søndag 6. april 2014

Seier i Isbjørnen 2014

Det vart seier i klasse og beste tid av alle båtane på Isbjørnen 5.april. Takk til mannskapet Torkjell, Rune Fanebust og Steinar Hansen.
Det var lite vind og BS valgte kortaste løp: Start på Raunefjorden, Spikaren, Tangeflu og rundt bøye ved Klokkarvik og tilbake.
Me fekk ein nokonlunde bra start, låg ei stund i le av ein 39 fotar, men når den slo fekk me fri vind og la i veg. Etter runding av Spikaren vart det svært lite vind på båtane som låg nordst i feltet. Me såg at det var vind lenger sør, tok nokre slag og fekk vind. No låg me som 3 - 4 båt i feltet. Når me runda Tangeflua vart det mykje motstraum. Det var best vind ved Lerøy og me valgte å ta nokre slag der før me segla over på Klokkarviksida. Løpet vart avkorta her og me var 4 - 5 båt i mål.

Her er link til resultatlista. Velg klasse og "Race 1" i seilas så ser du tidene.

Her er link til artikkel på Bergens seilforening si side med masse bilder.

Har "lånt" nokre bilder frå Bergens seilforening sitt fotoalbum
Her har starten nettopp gått.

Her nærmar me oss mål. Då møtte me ein flikk med spekkhoggarar. Nokre av dei var få meter frå båten

 
 

søndag 30. mars 2014

Isbjørnen 5.april

X-faktor er påmeldt til Insbjørnen laurdag 5.april. Vi manglar mannskap. Er du interessert i å vera med, ta kontakt på tlf. 90121617.
No er mannskapet oppe i 4 mann, men det er plass til 1-2 til.
Arrangør er Bergens seilforening, så oppmøte er på Hjellestad hos BS. Starten går kl. 12.

Her er resultatlista for Vintercupen før siste seglas (3 av 4 seglasar er teljande):

http://www.hordaland-seilkrets.no/default-css.asp?AID=12655&ID=14076&K=2632

X-faktor på Isbjørnen 2013.

søndag 16. mars 2014

Snøføyka 2014

Ein månad etter planen starta Snøføyka 15.mars. Eivind og eg segla X-faktor til Anglevik. Var framme laurdagsmorgonen litt over kl. 10. Eivind måtte ein tur i mastetoppen for å festa windexen før start. Morten og Torkjell kom med bil til Anglevik, og dermed var mannskapet klart. Værmeldinga på yr gjekk ut på 9 - 11 m/s frå vest ved Ramsøy. Det var bra vind før start så vi bestemte oss for å starta med genoa 3. Starten gjekk bra. Når vi nærma oss Geitanger vart det lite vind og vi bytta til genoa 1. Etter runding av Geitanger heiste vi spinnaker og segla mot Gulskjæret. Vinden låg no på mellom 4 og 7 m/s, og det var ganske platt lens innover Hauglandsosen. Etter runding Gulskjæret vart det kryssing vestover mot Øygardslandet der det var runding av bøye nord for Ågotnes. Vi hadde eit godt legg med gode slag og god fart i båten. Etter runding vart det spinnakersegling innover Hauglandsosen til målgang nord for Skorpa. Litt kaldt i lufta men ein fin dag på fjorden. Når vi kom tilbake til Anglevik fekk vi varm suppe. Det gjorde godt. Eivind og eg segla båten tilbake til Litlebergen og var framme der kl. 19.
Resultata er no klare. Det vart 6.plass i vår klasse. Sjå her
2.start har gått. Frå venstre Tussi, X-faktor, Ventus og Storm. Bilde henta frå Ran seilforening sitt fotoalbum

Eivind til rors og Torkjell kjører spinnaker på siste legget inn mot mål. Ramsøy i bakgrunnen.

torsdag 13. mars 2014

Ny autopilot

X-faktor har lagt hos Fjordsailing på Litlebergen i to veker og dei har montert ny autopilot. Raymarine Evolution EV-200 lineær. Dette vert bra greier. Den gamle autopiloten vart for treng når eg segla. Dessutan samarbeidde den ikkje med kartplottaren og dei andre instrumenta.
X-faktor på Litlebergen
\
Nytt lettlest instrument

Drivenheten på rattet er borte.

Ny kraftig drivenhet i stuerom akter.

søndag 16. februar 2014

Fine segleforhold på Hjeltefjorden

Når eg hadde tatt på storseglet til Snøføyka og det ikkje vart noko av,  måtte eg ha meg ein segletur søndag 16/2. Det var fine forhold på Hjeltefjorden med 4 - 8 m/s på V/NV. Litt regn i lufta til å begynna med, men etterkvart kom sola fram.


 

tirsdag 11. februar 2014

Snart klar for Snøføyka 2014

X-faktor er snart klar for Snøføyka 15.februar 2014. Det er RAN seilforening som er arrangør og starten går ved Anglevik på Sotra kl. 12.
På søndag tok eg av presenningen. I dag har eg sett på storseglet og hatt ein omgang med Rophs børsten under båten. Det vart ikkje mykje skit på mikrofiberkluten så dette ser bra ut.
Har streva litt med å få mannskap denne gongen, men idag spurde eg Bjørn Rundhovde som svara ja på ståande fot! Eivind Tysse og Morten Ådland er også med.

lørdag 1. februar 2014

Vedlikehald av vinsjane

Eine vinsjen på hyttetaken rauk under Neglespretten. Det var eit tannhjul som mista eine tanna! Har bestillt nytt tannhjul men har fått beskjed om at det er ein månads leveringstid. I mellomtida har Andre sølvlodda tannhjulet. Det held ei stund seier han.
Eg har ikkje vore so flink å reingjera vinsjane og smørja dei opp igjen, men no har eg gått over alle vinsjane. Gjort dei skikkeleg reine med white spirit og smurd dei opp igjen.

Her har eg plukka frå kvarande Lewmar 16 ST one-speed vinsjen. 
 
Her er tannhjulet reparert. Eg får sjå om eg får tak i nytt tannhjul. Dersom ikkje vil eg kjøpa ny vinsj. Vil gå opp ein størrelse og få ein vinsj med 2-speed.  

Her er genoavinsjen, Lewmar 40 ST 2-speed, reingjort og smurd opp.