Regatta "Stord rundt" 12. og 13.juni 2021 ombord i X-332 X-faktor

Regatta "Holsnøy rundt" 5.juni 2021 ombord i X-332 X-faktor

10 båtar stilte til start i NHS regattaen "Holsnøy rundt". Start kl. 11.00 GPS-tid i Bognestraumen.

Deretter rundt Skjelanger/Eldsneset, sørover gjennom Det Naue og Herdlefjorden. Rundt Galteneset, sørvestspissen av Holsnøy, og til mål ved Flatøy/Nordhordlandsbrua.

X-faktor vart segla singlehanded i dag. Det var meldt svært lite vind frå NV, dreiande nordlig.

Det vart grei vind. ca 3 m/s V/NV frå start. Sørover i Herdlefjorden auka vinden til 5-6 m/s frå NV.

Frå Galteneset til mål var det vanskeleg vindforhold, og lite /varierande vind. Her gjorde eg nok ein del dårlege valg, og segla ikkje så godt. 

Eg brukte 3 timar og 52 minutt på seglasen. Dette held til seier på korrigert tid. Var fornøyd med at eg greidde å halda First 36.7'ane bak meg på spinnakerlensen. Kilroy hadde eitt mannskap på 4.

Resultatlista:

 

Hjeltefjorden shorthanded 30.mai 2021

Eivind Tysse og skipparen segla Hjeltefjorden shorthanded søndag 30. mai 2021.  Det var meldt NV vind 6 m/s ved start aukande til 8 m/s med vindkast opp i 10 m/s. 

Eg valde å bruka FatFurl rulleseglet. Alternativet var å bruka 3'ar. 1'ar var uaktuelt.

Dette fungerte fint. Vinden var for det meste ikkje oppe i meir enn 7 m/s. Viktig å halda forliket stramt. Det sleit me litt med. 

Det vart 5.plass på oss i eitt tøft felt. 

Eg er no oppe på 5.plass i Shorthandedrnkinga, og på 2.plass i Årets shorthandedseiler.

https://www.seilmagasinet.no/shorthanded-ranking-shorthanded-seiling-arets-shorthanded-forening/knivskarp-konkurranse-i-toppen/725433

https://m.facebook.com/story.php?story_fbid=4215885525137584&id=100001485358431

Resultatliste  Trykk på Fullstendig liste og deretter R1 for å sjå tidene.

Seilmakeren doublehanded 2021 ombord i X-332 X-faktor

Stord Shorthanded 15.mai 2021

10 båtar var påmeldt til Stord shorthanded 15.mai. 5 i doublehanded-klassen, 4 i singlehanded-klassen og 1 båt i turklassen.

X-faktor stillte i singlehanded-klassen.

Her er ein 15 minuttar YouTube-video frå regattaen.

X-faktor kom dårleg ut i starten:

Kom seg når me kom ut i fjorden og segla sørvestover mot Hjartholmen som var rundingsmerke.  X-faktor runda som båt nr. 3 etter Levens og Lyra.

Gjekk bra unna med spinnaker innover mot Klasen. Derifrå og inn til mål var det mindre vind, og eg skar for lite. Sea Girl - Comfortina 36 - segla forbi X-faktor og vann klassen. X-faktor på 2.plass.

Her er X-faktor sitt spor frå Marinetraffic.

Resultatlista finn du her.

Huftarøy rundt 13.mai 2021

Etter over-all seier i Huftarøy rundt i 2019 måtte X-faktor sjølvsagt vera med å segla Huftarøy rundt i 2021 i doublehanded-klassen. Eg segla til Vedholmen onsdag 12.mai. 

X-faktor i Vedholmen.

Eivind Tysse som skulle vera mannskap kom der neste morgon. 27 båtar var påmeldt. 18 i DH-klassen.

Starten skulle gå kl. 10.50, men det var ingen vind og starten vart utsett. Starten gjekk kl. 11.15 i svært lite vind. Me segla mot Austevolls-landet. Segla spinnaker no. Båtane var ganske samla når me nærma oss Tobbeholmane. White Shadow greide som første båt å koma seg avgårde.

Når me segla på innsida av Tobbeholmane låg me fremst saman med X-35 Stjernebris. Etterkvart greide me å siga frå dei. Det kom ein liten bris Me skifta til Genoa og kom oss avgårde.  Dette gjekk veldig bra, men me segla for langt ut i fjorden før me slo, og straumen tok oss.

FS2, Levens og Stjernebis segla nærare land og segla forbi oss.

Når me kom til Kalsundbåen vart løpet avkorta og dette vart målpassering. Me var rett bak FS2, Levens og Stjernebris som alle har høgare rating enn X-faktor. White Shadow hadde gått i mål 45 minuttar tidlegare.

Shiraz som har svært låg rating var i mål 25 minutt etter oss, men vann DH-klassen. White Shadow på 2.plass og X-faktor på 3.plass. Det må me vera fornøyde med sjølv om me kunne greid ein 2.plass med litt smartare segling på slutten. Her er resultatlista.

Nordhordland seilforening sin Vårregatta 8.mai 2021 ombord i X-332 X-fak...

Vårregattaen vart segla 8.mai 2021 på Mangersfjorden.

7 båtar var med. Starten gjekk på GPS-tid i Bognestraumen kl. 12.00. Deretter gjekk løpet nordover til Trettholmen/Toskavegen, så ut rundt Kvernane NV for Skjelanger, inn igjen i Bognestraumen og til slutt målgang i Mangersvågen. X-faktor brukte 2 timar 18 minutt og 33 seund på løpet, og var først i mål. Vinden var varierande både i styrke og retning. Vindstyrken varierte frå 0 - 6 m/s. Eg var i tvil om eg skulle bruka Genoa 1, men gjorde det, og det gjekk greit. Eg skulle også heist spinnaker på startskuddet. I og med at eg var åleine ombord gjorde eg ikkje det.  Det hadde nok gått greit å ha den oppe ei stund.

Filma under heile regattaen og har klipt til ein YouTube-video på 20 minuttar. Vert litt for spesielt interesserte, men gir eitt inntrykk av regattaen for X-faktor sin del.

Resultatlista ligg her: https://docs.google.com/spreadsheets/d/1b5L-yAhZKUbmob89AS-3sbFNzS7xvn-14Z-bw6iPBuo/edit#gid=1667391348

Her er X-faktor sitt spor frå Marinetraffic. Løpet er ca. 12 nm.

Her nærmar båtane seg første rundingsmerke ved Toskavegen. X-faktor først, tett følgd av Dehler 46 Shiba Juvel.

Wenche tok bilde av X-faktor frå Toskavegen.

NHS treningsregatta 4.mai 2021 ombord i X-332 X-faktor

Tirsdag 4.mai var det treningsreggatta i Nordhordland seilforening.  11 båtar stilte til start. Magne Iversen var mannskap ombord i X-faktor.  Me prøvde det nye storseglet.

Her er sporet frå Marinetraffic. Me brukte 57 minuttar på seglasen.

Elvstrøm Storsegl Aramid Sport Grå

Sette på det nye storseglet i går kveld. Skal prøva det på NHS treningsregatta i kveld.

Ser veldig bra ut.

 

Nye avlastarar

Har hatt mykje slitasje i avlastarane på storsegl- og genoafalla. Har derfor kjøpt nye EasyLock Midi avlastarar på babord side. Her var det ein enkel og ein dobbel avlastar.

Den enkle gamle avlastaren har eg montert på styrbord side for å få ein avlastar til cunninghamen.

Vurderer å kjøpa ein 2.etasje på ledeblokka:

Nytt Elvstrøm storsegl

 Henta nytt storsegl hos Seilmaker Iversen i dag. Elvstrøm Aramid Sport Grå. Vert spennande å prøva.

Første treningsseglas i 2021 for X-faktor . X-332.

Vårpuss og sjøsetjing april 2021

X-faktor klar for sjøsetjing 17.april 2021

 

Ferdig polert og voksa

 Ferdig polert med Jotun Marin polish og voksa med Jotun Hard wax fredag 2.april. No gjenstår bunnsmøring. Bilde er tatt av journalist i Avisa Nordhordland som laga reportasje om 2 av oss som pussa båt på Litlebergen i påska.

Snart tid for vårpussen

Det er snart tid for å ta av presenningen og starta  på vårpussen.

Sjøsetjing vert 17.april. 

I dag har eg sett på nytt namnemerke.

 

YouTube- kanalen

Eg treng fleire abonnentar til YouTube-kanalen min ! https://www.youtube.com/c/HaraldMatland 

Gå inn på linken og abonner.