YouTube: Regatta Isbjørnen 2023 ombord i X-faktor

Regatta ISBJØRNEN laurdag 11.mars 2023

X-faktor vart påmeldt Bergens seilforening sin regatta ISBJØRNEN. Eivind kunne vera mannskap, og eg meldte på i Doublehandedklassen.

Fredag 10.mars segla eg frå Manger til Bergens seilforening. Eivind kom laurdag morgon. Etter registrering kl. 9, var det eit kort rormannsmøte kl. 9.30. Etter det laga me klart for å segla ut.

Eg måka snø av båten kl. 7.30, men det kom stadig nye snøbyger, så det vart ytterlegare 2 rundar med snømåking.

Det var påmeldt ialt 16 båtar, men det vart stort fråfall, og berre 8 båtar kom til start. I DH-klassen var det Kelso og X-faktor. 

Starten skulle gå på Raunefjorden kl. 11, men vart av ein eller anna grunn utsett til kl. 11.30.  No skulle me  segla rundt Raunane, sørover Lerøyosen, rundt Kyrholmen, og rundt Blia og i mål i Bjelkarøyosen.

X-faktor hadde beste starten og var ført over linja. Dei fleste båtane segla med Genoa 1. X-faktor segla med Genoa 3. Det vart meldt vind frå NV med kraftige vindkast i bygene. Værmeldinga stemte ikkje i starten og første del av regattaen. Det vart bidevindsseglas heilt til Kyrholmen. Først i feltet låg Amaryllis og Sheep Dip. Kelso låg som nr. 3 og X-faktor som nr. 4. Kelso drog litt ifrå på vegen mot Kyrholmen, og dei kom seg greit rundt holmen. X-faktor fekk omtrent vindstille rett før Kyrholmen, og deretter svak vind frå NV. Me fekk opp spinnaker og kom oss rundt Kyrholmen. Me skulle tatt ned spinnakeren før me kom rundt holmen, for der auka vinden kratig på. Me måtte falla av, og få ned spinnakeren. Det gjekk fint, og no segla me med 3'ar og fullt storsegl mot Blia. Det gjekk i opp mot 7 knop i ca. 6-8 m/s vind.

X-faktor på veg mot Blia. Foto: Ulv Hjellestad ombord i FS2

Når me hadde runda Blia, kunne me stå høgare med retning mot Korsneset. No auka vinden på til 10 - 11 m/s. Plutseleg såg eg at  det rauk og fauk ved Korsen, og vinden kom opp i 16 m/s ei lita stund. Storseglet rivna. Nei og nei (det var det gamle storseglet). Me vart litt stressa og tok ned genoaen. Det roa seg litt etter kvart og me fekk ei kraftig snøbyge på oss. Sikten var under 100 m. Me prøvde etterkvart å få opp igjen 3'aren, men det blas såpass mykje at me hadde problemer å få den inn i sporet. Me gav opp, og segla i mål med rivna storsegl. Kelso vann sjølvsagt DH-klassen, og hadde beste tid av alle båtane. Gratulera!     

Her er eit foto frå målgangen til X-faktor.

X-faktor sitt spor på Marinetraffic

Søndag morgon i Bergens seilforening. Meir snømåking.

Mot Manger i Heltefjorden

Makspower LifePo4Lithium forbruksbatteri

X-faktor har hatt 2 stk. Biltema AGM-batteri på 70 aH kvar som forbruksbatteri. Desse sette eg inn i båten i April 2012. 

No var tida inne for å skifta til Lithium forbruksbatteri. 

Eg valde eit Makspower 100AH 12 volt LifePO4 Batteri BMS 150 ampere Mini. Størrelsen på dette batteriet er omtrent som dei gamle batteria. Dermed får eg plass til endå eitt 100 aH lithium batteri dersom det er trong for det. 

Eg måtte skifta ein del andre ting i samband med overgang til Lithium. Eg har tidlegare skifta solcelleregulatoren til ein Victron Smartsolar MPPT 75/15, og installert Victron Batterimonitor.  Skillereléet som eg hadde måtte også skiftast. Her har eg kjøpt ein Victron Argofet 100-2 2. I tillegg måtte landstraumsladaren skiftast. Her har eg kjøpt ein Victron Blue Smart IP65 12 volt ladar , 15 Ampere.

Eg er so heldig å ha Eivind som mannskap, og han har kunnskap og ferdighet til å skifta alt dette. 

No er alt på plass, og det fungerer fint. Vert spennande å sjå korleis dette fungerer i praksis.

Det nye forbruksbatteriet, og startbatteriet som er eit 60AH AGM-batteri. (Eg skal laga nytt festepunkt for stroppen)

Den nye landstraumladaren

Victron Argofet før den vart kobla til.

Shetland Race 2022 og 2023

 YouTube videoen frå Shetland Race 2022, då Eivind og eg segla double-handed i Shetland Race for 3.gong, er vist over 1.800 gonger. 

Det vart ein eigen YouTube video av innseglinga til Lerwick. Dette skulle vore bygd inn i videoen over, men det rota eg til. Denne videoen viser mykje flott spinnakersegling forbi Kirkabister Lighthouse . Denne videoen er berre vist knapt 500 gonger.

X-faktor er påmeldt Shetland Race 2023. Det vert doublehnded-segling med Eivind også i år. Til no er det påmeldt 8 båtar i DH-klassen, og 37 båtar totalt. 

https://sailracesystem.no/regatta?regatta=3743&type=nyheter&nid=1703

Liten segltur på Mangersfjorden 27.februar 2023

Fint vær 27.februar 2023 med ein bra nordavind og skyfri himmel. Fekk vårfornemmelse og måtte ta ein liten tur på fjorden.

                                           Søraustover mot Bognestraumen

                                           Nordvestover mot Toskasundet. Med litt medstraum låg farten på 7 knop.