Høststormseilasen 2021

Nordhordland seilforening arrangerte Høststormseilasen 18. og 19.september 2021.

Heile 32 båtar var påmeldt.

X-faktor segla i doublehandedklassen der det deltok 9 båtar. Takk til Eivind som var mannskap.

Me hadde ein god start på laurdag. Det vart spinnakersegling til etter runding Mikkelsbåen. Deretter vart det 3'ar innover til Hillesøyflua og vidare til mål i Moldøyosen på Fedje. Me hadde god fart i båten heile dagen. Jaja, hadde ein dårleg jibb rundt Kyrkjeflua der spinnakeren snurra seg rundt forstaget. Tapte eit par minuttar på det. 

Søndag var det start i Moldøyosen med ei startline som klart favoriserte styrbord merke. Me hadde ein plan, men var for seint ute. Det vart tett med båtar og me måtte slakka segla for å ikkje segla inn i Shiraz rett før start. Det vart tett med båtar også etter starten , og me skulle absolutt ha slått oss inn mot Fedje-landet så snart som mogeleg. Det gjorde me ikkje, og vart liggjande i dårleg vind mot Kyrkjeflua. Frå Svartskjeret og over til Rubbeganståna var vinden oppe i 10 m/s og det vart krappe bølgjer. Eg greidde ikkje å halda god nok fart heile tida på dette legget. Når me kom til Rubbeganståna slo me oss sørover land Øygards-ladet til me nærma oss Sture-terminalen. Hadde gode kryssvinklar her.. No skulle me segla aust for Mefjordbåen. Det minka på vinden og det var sterk straum imot, men me kom oss i mål ved Herdla-brua.

Her er resultatlista  . X-faktor vart nr. 2 på laurdag ( etter Shiraz) og nr. 3 på sundag (etter Levens og FS2). Totalt vart dette 2.plass etter Levens som vann DH-klassen.

Vind opp i 10 m/s på sundag.   Link til video : https://youtu.be/TEVworEPb3k

Spor laurdag frå Marinetraffic

Spor søndag del 1

Spor søndag del 2