Neglespretten 6.januar 2018

Fredag 5.januar segla Wenche og eg X-faktor til Zachen i bydn der mannskapet skulle mønstra på laurdag. Det vart ikkje noko god nattesøvn i båten. Eit par cabincruisarar synes at alle skulle få høyra på musikken deira heilt fram til kl. 6 om morgonen. Politiet var der eit par gonger i løpet av natta og bad dei roa ned, men det hjelpte ikkje. Dette er synd for Bergen Havn. Eg synes å kjenna igjen den eine cabincruisaren frå tidlegare i Bergen Havn. Nok om det.

Fredagskveld ved Zachen.

Totlt var det påmeldt 29 båtar.
11 båtar i vår klassen med rating 0,941 - 0,999. Her var mange gode båtar/seglarar. Gleden hadde lågast rating i klassen, 0,942. X-faktor nest lågast med 0,955.
Mannskapet kom kl 10 laurdag: Eivind Tysse, Torkjell Tolo, Karen Margrete Riisnes og Claus Gladyszak. Værmeldinga var sol frå klår himmel, minus 1 grad og 2 - 3 m/s frå N/NØ.
Me kom oss tidleg på fjorden og segla utover mot startområdet i Eidsvågen. Her var det lite vind. Starten vart utsett litt, men 12.07 vart me sendt avgarde. Løp nr. 4. Vinden i startområdet var frå SØ 0,5 - 1 m/s så det vart spinnakerstart. Me var omtrent på linja i starten, men det var tett og nesten ikkje styrefart.

Rett etter start

No var det å segla mot første merke nord for Strømsnesholmane. Me vade å ikkje gå ut i fjorden, men halda oss på Tertnessida. Me kunne sjå at nordavinden nærma seg. Me kom ikkje med i gjengen som først fekk nordavinden og som kunne segla full fart på kryss mot første merke. Me låg i omtrent vindstilla med vinden rett frå akter. Vinden kom omsider også til oss, og me runda merket og sette spinnakeren igjen.

Etter runding av første merke

No bar det mot merke ved Bakarvågen. Tok eit par-tre jibbar for å halda oss ute i fjorden.
Jibba rundt merket ved Bakarvågen og skulle no mot merke ved Hegreneset. Me valde å halda oss ute i fjorden. Gleden som hadde vore oppe i hekken på oss etter runding ved Bakarvågen valde å segla nærare Helleneset.

Bilde tatt frå Gleden. Fotograf Harald Gjøsæter

No segla me oss oppover i feltet. Jibba fleire gonger ute i fjorden og fekk fin skjæring mot mål ved Hegreneset der seglasen vart avkorta. Me var 10 minuttar før Gleden i mål.Det skulle halda til å slå dei på korrigert tid. Var også før Vito4 i mål.

Målpassering

Lazy, FS2 og Levens kom seg avgårde i første pulje ved første merke, og var eit godt stykke framfor oss. Levens med rating 0,995 var likevel berre 2 minutt før oss i mål på korrigert tid.
Dette kunne me vera fornøyde med. Det vart 4.plass i klassen etter vel 2 timars seglas.
Takk til mannskapet for god jobb! Dette vart ein fin januardag på fjorden.

Resultatliste

Her er sporet på kartplottaren. Start ved Våganeset. Deretter NV-over og vestover til første merke ved Askøy. Deretter sørover rundt merket ved Bakarvågen. Så til mål ved Hegreneset.  95% spinnakerseglas.

Eg segla tilbake til Manger etter seglasen då det var meldt dårleg vær på søndag. Fortøydde i hamna kl. 17.45.

Shetland Race 2017 med X-332 X-faktor - kort video

Ein kort video frå Shetland Race 2017.
Trykk på linken:

https://youtu.be/ynv7jn3enNs

Godt nyttår !

Lithiumbatteri ?

Forbruksbatteria i X-faktor er frå april 2012. Dette er 2 stk 70Ah AGM batteri frå Biltema.
Dei fungerer greit enno, men eg har begynt å tenkja på å skifta til lithium batteri. Hadde vore greit å sleppa å stressa med landstraum på Seilmakeren doublehanded, og motorlading undervegs til Shetland. Hadde også vore greit å kunna vera nokre dagar på tur, og kunna bruka kjøleboksen, utan landstraum og motorlading.
Vurderer derfor eitt stk LiFePo4 lithium batteri på 100 Ah.
Har vore i kontakt med Makspower, og dei opplyser at eg framleis kan bruka Sterling Pro Reg D regulatoren som eg har montert og som gir god lading frå dynamoen.
Eg må derimot ha nytt skillerelé melom start og forbruksbatteri , og ny regulator på solcellepanela. Skillereléet må vera elektronisk. Solcelle-regulatoren som eg har i dag pulsladar, og LiFePo4 batteria skal ikkje pulsladast. I tillegg bør eg ha ein batterimonitor.
Dermed vert dette kostbart.

Laurdagettermiddagstur 23.sept. 2017

Høststormseilasen 2017 med X faktor

Høststormseilasen vart arrangert av Nordhordland seilforening 16. og 17.september 2017.
X-faktor stillte i shorthandedklassen med Eivind Tysse og skipparen som mannskap.
I alt 24 båtar var påmeldt. Av desse 7 i shorthandedklassen.
Etter litt dårleg start på laurdag, segla me bra begge dagane. Frøken Smilla, First 40.7, vant shorthandedklassen begge dagane. Laurdag var me på 2.plass. Søndag vart det 3.plass på oss, slått med 1 sekund av Mathilda som var nr. 3 på laurdag.
Dermed vart det 3.plass på X-faktor samanlagt. Dette eine sekundet betyr også at X-faktor ikkje vinn NHS sin klubbserie 2017 ! Synd, men slik er det.
Her er resultatlista. På korrigert tid samanlagt for begge dagane er X-faktor nr. 4. Takk til Eivind som var mannskap.

For spinnaker innover Fensfjorden laurdag. Foto: Kjell Magnus Økland - Kystsogevekene

Fedje søndag morgon

Passering Kyrkjeflua søndag. Foto: Karen Drange

Målgang ved Mefjordbåen søndag. Foto: Madeleine Bratshaug

Spor frå Marinetraffic laurdag

Spor frå Marinetraffic søndag.
Me tapte nok 2.plassen ved å gå for langt ut i fjorden nord for Sture. Mykje motstraum.

Bergen singlehanded 2017 med X-faktor

9.september 2017 var det klart for Bergen singlehanded for 7. gong. Eg har deltatt og fullført alle sju gongane.
45 båtar var påmeldt. Av desse var 7 Knarr. Båtar med spinnaker var delt i 2 klassar, opp til rating 0,969 og 0,970 og over. I desse klassane var det 16 båtar i kvar klasse. Med SH Rating på 0,940 var X-faktor i minste klasse med mange tøffe konkurrentar.
Værmeldingane varierte mykje, og det var spennande korleis dette vart og kva løp me skulle segla.
Det vart løp nr. 2: Start ved Bjelkarøy, ut rundt Lille Marsteinen, rundt Blia og i mål ved Bjelkarøy.
Vinden var SØ 3 - 4 m/s i starten. Denne vindretningen held seg gjennom heile løpet. Når me segla innover Korsfjorden mot Blia auka vinden til opp i 6 m/s. Frå Blia og inn til mål varierte vinden mykje.
Eg satsa på å starta ved babord merke. Var litt for seint ute, og var i fisen av nokre 40 - 45 fotarar.
Kom meg over startstreken etter nesten 2 minuttar. Kom meg fri og skar opp til babord. Vindvinkelen var skarp og eg venta litt med å setja spinnaker. Var likevel mellom dei første til å setja.  Nådde etter kort tid igjen Gleden. Gjorde tabben med å segla for nært. Eg veit jo kva Finn gjer når ein konkurrent tar han igjen! Prøvde meg i lo og i le, men det nytta ikkje. Kom meg ikkje forbi. Når me nærma oss Lille Marsteinen romma vinden litt og eg kom meg endeleg forbi Gleden. Var kanskje litt tidleg med å ta ned spinnakeren, men eg måtte ha litt tid for å tatt ned bommen. Var rett bakom Miss Helen, First 36,7, ved runding. No var det full kryss innover Korsfjorden. Hadde god fart men mykje motstraum. Nokre båtar slo seg inn mot Austevoll-landet truleg for å få mindre motstraum. Eg stod heilt inn til Blia utan å slå. Fekk tredd om spinnakerfall, skjøte og bras for å vea klar til å setja spinnaker etter runding Blia. Hadde også fått opp bommen før runding. Litt rot i setjebagen, men fekk spinnakeren ganske raskt opp og segla mot mål. Var no rett bak Levens, Elan 37, og Miss Helen. Segla forbi Rubber Duck ( Class 40) inn mot mål. Hadde etterkvart fått litt avstand bak til Gleden.
Det vart ein 4.plass i klassen. Fornøyd med det. Det var ein tøff klasse.  Resultatlista finn du her.
Eg var fornøyd med seglinga mi idag.
Her er litt video. Fekk ikkje filma runding Blia og siste strekket inn mot mål. Treng litt meir trening i GoPro-filminga.

Skifte av belg på segldrevet

Søndag 3/9-2017 segla Wenche og eg til Bildøy Båt og Motor. Hadde avtale om skifte av belg på drevet (Yanmar SD20) mandag og tirsdag.
Hadde ein fin segltur - kryss - sørover Hjeltefjorden. Brukte 6 timar på turen.
Jobben vart ferdig onsdag føremiddag.
X-faktor (X-332 bygg nr. 167) er produsert hausten 1998, og er dermed 19 år. Eg kjøpte båten hausten 2009. Har ikkje funne ut om belgen er skifta tidlegare. Den gamle belgen var like fin som ny.

Det var ikkje så lett som omtalt på X-332 Klubben si side (sjå under) å få av plata rundt drevet.

"Skift af S-drevs membran
Der sidder en plade monteret under bunden omkring S-drevet. Dette kan fjernes ved et hurtigt ryk med en umbrako nøgle eller lign., sat op i hullet ved benet. Herefter kan benet fjernes og motoren løftes ved, at afmontere de bagerste motor ophæng, hvorefter membranen kan skiftes. Pladen genmonteres med lim/silikone og der spartles i bunden så der opnås en glat overflade."

Segla heimatt onsdag kl 12. Motor til Ramsøy, deretter fin seglas i 2 - 3 m/s frå NV.
Brukte 4 timar på turen.  Her ein liten videosnutt frå turen heimatt: