2.plass i doublehandedklassen i Stord rundt

Etter å ha utklassa konkurrentane i sørgåande seglas fredag kveld og natt til laurdag vart det 1.plass i doublehandedklassen etter 1. etappe. Søndag kl. 10.05 gjekk starten på nordgåande løp. Her var det mest kryss oppover Nyleia og over Selbjørnsfjorden til mål i Bekkjarviksundet.
Vinden var på det meste oppe i 13 m/s og det vart ein del slag oppover det smale sundet. Makker Eivind Tysse gjorde ei kjempejobb. Me var nummer 4 i klassen, og vart dermed nr. 2 samanlagt.
I overall-lista for regattaen står me oppført som nr. 1 med lågast summert korrigert tid på dei to seglasane.http://www.seilmagasinet.no/resultat/resultat/?action=overall&regatta=1257

Her er først eit par bilder som eg har henta frå Stord seilforening sitt fotoalbum. Bileta er tatt i Nyleia på veg nordover søndag føremiddag. Synd eg ikkje hadde det nye storseglet. Det er for tida inne hos Seilmaker Iversen for ombygging frå plastsjaklar til webbing.

Eivind ser fornøyd ut når me kjem på Selbjørnfjorden fredag kveld på veg sørover. Dei andre båtane er lang bak.

Selbjørnfjorden fredag kveld. Starta roleg. Vinden auka på utover mot Sigleflua og dreia nordover.Etterkvart var vinden oppe i 7-8 m/s og det vart ein del sjø. Me runda Sigleflua 15 - 20 minuttar før neste båt som var Yabadoo. No vart det spinnakerseglas sørover Nyleia.

Den kvite spinnakeren i det orange lyset frå Bømlabrua om natta.

Fleire bilder frå regattaens nordgåande løp kan du sjå her: https://picasaweb.google.com/torres.edvardsen/StordRundt2013Del2NordgaendeLP?authkey=Gv1sRgCM3Oy5iAzIH5Ew#

Her er sporloggane frå nordgåande løp på søndag. Kryssing norover Nyleia, over Selbjørnsfjorden og til mål i Bekkjarviksundet.