søndag 16. januar 2022
mandag 8. november 2021
X-faktor gjennom 2021
tirsdag 2. november 2021
mandag 1. november 2021
X-faktor løfta på land på Litlebergen 30.oktober 2021
Då er X-faktor sett på land for vinteren. Står godt på Litlebergen. I tillegg til krybba mi, har eg lånt 3 støtter.
Bunnen vart skrubba + litt vannsliping på laurdag når båten vart tatt opp. Det var ingen groe, ru eller blåskjel under. Litt belegg på propellen. Motoren vart kjørt med ferskvatn, og til slutt 50/50 ferskvatn og frostveska. Har kobla til straum og har sett på avfuktaren.
Søndag vaska eg skutesidene og tok av ein del tauverk.
Mandag tok eg av sprayhooden og tok på presenningen frå masta og bakover. Alle fall vart trekt inn i masta.
Presenningen framfor masta kom på tirsdag. Har også plan om å skifta girolja på drevet.
![]() |
![]() |
| Presenningen på |
![]() |
| Bunnen er blank |
tirsdag 26. oktober 2021
Klargjering til båtopptak 30.oktober
X-faktor vert tatt på land på Litlebergen denne vinteren også. Det var litt sutalaust å ha båten på land der inne sjølv om det er lenge, og eg får ikkje høve til å segla Neglespretten i byrjinga av januar.
Eg har tatt heim alle puter og forskjellig. I dag har eg skifta motorolja og oljefilter. Har også vaska båten innvendig. Vasstank og septiktank er gjort rein.
![]() ![]() |
| Vasstanken eg gjort rein |
fredag 8. oktober 2021
Nr. 11 på Shorthanded-rankinga etter 2021-sesongen.
Etter ein god sesong er no shorthanded-rankinga publisert på Seilmagasinet.
3.plass i Huftarøy rundt ( DH med Eivind)
2.plass i Stord shorthanded (singlehanded)
1.plass i Seilmakeren doublehanded ( DH med Torkjell)
5.plass i Hjeltefjorden shorthanded ( DH med Eivind)
1.plass i Stord rundt (DH med Eivind)
5.plass i Shetland Race Corona Edition (DH med Eivind)
1.plass og overall-siger i Høcom Bergen singlehanded
Etter Shetland Race Corona Edition som Willy Forland vann, gjekk han forbi meg på rankinga. Willy er knappe 20 poeng framfor meg på ein 10.plass. Thomas Robberstad frå Stavanger har falle frå ein 3.plass på lista i fjor til ein 12.plass i år. Me er dei 3 høgast ranka seglarane utanom austlendingane.
Eg gjekk glipp av Askeladden som Os seilforening arrangerte. Den var ikkje oppført i lista over teljande regattaer før kort tid før regattaen. Kunne ha fått nokre poeng der.
![]() |
| X-faktor under Høcom Bergen singlehanded 11.september 2021 |
tirsdag 21. september 2021
Vedlikehald på motoren
Tirsdag 14.september 2021 hadde eg avtale hos Bildøy Båt og motor på Bildøy. Det var litt sot rundt dysene. Det hadde også kome litt rust i sveisen på eksosbendet som eg skifta i 2019. Ville også at dei tok ein sjekk på varmevekslaren.
Eg fekk faktisk nytt eksosbend + pakning på garantien. Eksosbendet skal sjekkast kvart andre år, og skal skiftast etter 4 år. Dette var 2 år gamalt, og Yanmar Norge innvilga nytt eksosbend til meg. Det var bra.
Dysene vart tatt ut. Det vart gjort reint, dysene testa og det vart skifta koparpakningar og flammepakningar.










