Sjøsetjing 27.april

Etter eitt halvt år på land på Litlebergen vart X-faktor sjøsett i dag, 27.april.

Bunnstoff. Første strøk med VC 17 på 30 sekund

Har påført 2 strøk med VC 17 i dag + eitt strøk med Hempel Hard racing på roret.
No er X-faktor klar for sjøsetjing, men eg må venta til 27.april !!

Roret er på og X-faktor er nypolert.

Nypolert og voksa

Lørdag 6.april vart X-faktor løfta opp 60 centimeter slik ar roret kunne setjast på. Kvadranten til styringa og autopiloten er montert på igjen.
I går polerte eg, og i dag har eg voksa skutesidene. Brukar Jotun Marine polish og Jotun Hardwax. Den nyinnkjøpte poleringsmaskina gjorde jobben.
No er det vassliping av bunnen, og påføring av 2 strøk VC 17 som står igjen.

Roret er på.

Legg til bildetekst

Nærmar seg sjøsetjing

X-faktor skal sjøsetjast 27.april. Det vert lenge å venta.
I går tok eg av presenningen. Sette på ny tærezink på drevet. Spraya drevet med bunnstoff.
I dag har eg vaska overbygg, dekk og skutesidene. Monterte på igjen kick'en.

Eg vil prøva å få løfta båten opp 60 cm slik at eg kan montera roret på igjen før sjøsetjing.
Båten skal polerast og voksast. 2 strøk med VC 17 skal påførast.

Ny rorstamme

Nye rorstammen som eg kjøpte hos Jefa Rudder i Danmark er montert i rorbladet og klart for montering. Sjøsetjing vert 27.april. Håper på å få løfta båten opp 60 cm slik at roret kan monterast før sjøsetjinga.

Rorbladet er påført 4 strøk Hempel Light Primer pluss eitt strøk Hempel Hard Racing.
Skal ha på eitt strøk til. I det lysegrå feltet skal eg ha på drevspray.

Presenningen er på.

Tørt og fint inni. Dørkplatene er heime og vert pussa og lakka. 

X-faktor på land for vinteren 27.10.2018

X-faktor vart tatt på land på Litlebergen laurdag 27.10.2018.

X-faktor på land på Litlebergen.

Har fått låna ei kraftig krybba.
Samtidig som båten vart løfta opp vart roret tatt av. Skal byta rorstamme i løpet av vinteren. Ny rorstamme er kjøpt frå Jefa i Danmark.

Ny rorstamme

Den gamle rorstammen er korrodert pga av VC17 bunnstoff .

Søndag 28.10 var eg igjen på Litlebergen og vaska båten under. Ferskvass-systemet og toalettet er vinterkonservert. Motoren vart kjørt varm i ferskvatn og deretter kjørt med frostveska. Motorolja og oljefilter er skifta.