X-faktor NOR 9341 X-332

Snø og kuling ute.

2012-02-05T12:52:00.003+01:00

Under presenningen er det tørt og lunt.
X-faktor er påmeldt til Snøføyka 18.februar. Snøføyka 2012 vert arranger av RAN seilforening og starten går i Anglevik på Sotra. Førebels er det berre påmeldt 7 båtar men det vert nok fleire når påmeldingsfristen nærmar seg. Håper det er litt finare vær enn det er i dag. Her er link til meir om regattaen.

X-faktor i lokalavisa Strilen

2012-01-10T13:40:00.003+01:00

Sjå her

2.plass i Neglespretten

2012-01-08T16:26:00.005+01:00

Laurdag 7.januar segla me Neglespretten på Byfjorden i Bergen. Totalt deltok 42 båtar. Det var lite vind og vanskelege forhold på Byfjorden. Åsane seilforening hadde gjort spesiell klasseinndeling, så me var i lys-klasse 1,20-1,29. Det var 17 båtar i klassen, men det var som vanleg Gleden som vart vår argaste konkurrent. Dei 7 båtane i høgaste lys-klasse starta 5 minnuttar før oss. Me kom godt ut i starten og kunne etter ei stund segla spinnaker mot første merke. Gleden runda rett framfor oss. Me runda første merke som 5. båt. Deretter var det kryss mot merke 2 ved Nordnes. Det var omtrent vindstille rett etter runding, men etterkvart kom ein liten vestleg bris og me fekk god fart mot Nordnes. No hadde me fått litt avstand bakover til Gleden. Ved Helleneset minka det på vinden og den dreia på sør. Her gjorde me litt dårlege val og Gleden greidde å koma forbi oss. Alle klassane utan høgaste lys-klasse vart tatt i mål ved Nordnes. Det held til ein 2.plass. Ventus kom på 3.pass i klassen.
Her er resultatlista.
Ingen fotografering på fjorden i dag.

Det vart svært tett skodde på heimturen frå Flatøy til eg var gjennom Bognestraumen.

Neglespretten 2012

2012-01-05T15:47:00.004+01:00

Snart klar for Neglespretten som går på Byfjorden laurdag 7.januar. Mannskap er Torkjell Tolo, Eivind Tysse, Kjetil Risnes, Bjørn Rundhovde, Roar Teige og meg. 40 båtar er påmeldt til no. Det er meldt 6 - 7 plussgrader og regn. 5 m/s vind frå ein vestleg retning.
Åsane seilforening er arrangør. Her finn du meir info om regattaen.

Bilder frå Shetland Race 2011

2011-10-16T10:22:00.005+02:00

For å sjå bilder frå Shetlnd Race 2011, gå til Bloggarkiv nede til høgre, juni 2011. Klikk på "2.plass i Shetland Race 2011" og klikk deretter på fotoet.

Høststormseilasen søndag 18.sept. - Klasseseier

2011-09-18T18:00:00.011+02:00

Fekk ein kjempestart i dag i lite vind. Kom oss godt avgårde. Vinden minka til 1 - 2 m/s, men kom igjen når me kom bort til Senoksen. Segla på innsida av Senoksen, fekk vind, og vant på det. Etter dette auka vinden jevnt til ca. 7 - 8 m/s og det vart skarp slør innover mot Mefjordboen. Vidare til Jona og i mål ved Herdla. Fekk ikkje brukt spinnakeren i dag. Me var i mål ca. 3 minutt før Ollie Royal i dag.
Tok 1.plassen søndag og dermed samanlagtseier i klassen. Sjå resultatlista her. Stor takk til mannskapet for ein kjempejobb! Du kan sjå fleire bilete frå regattaen på Nordhordland seilforening si side.

Høststormselasen 2011 - 2.plass laurdag

2011-09-17T23:02:00.002+02:00

Fortøydd på Fedje etter første dag på Høststormselasen til Nordhordland seilforening.
Mannskap: Eivind, Magne, Torkjell og Harald. Ollie Royal slo oss i dag, og det vart 2. plass i klassen framfor Gleden.

Pelle P Bergen singlehanded

2011-09-11T21:16:00.019+02:00

Så var Bergen singlehanded unnagjort. Segla til Hjellestad fredag. Laurdag var me klare. Starten gjekk kl. 11. Då var det totalt vindstille, og vi låg og rak i ca. ein halvtime før vinden kom. Når vinden kom opp i 1 m/s fekk eg båten til å gå på fram og fekk ein kjempestart. Hadde 4-5 båtar frå største lysklasse framfor meg. Vinden frå SØ tok seg opp og det vart slør utover mot Tekslo.

FS2 til venstre, X-faktor til høgre.

Når eg nærma med Tekslo sette eg spinnaker. Det gjekk fint. Ute i havet vart det store dønningar. Måtte jibba ein gong. Nærma meg no 1. merke som skulle rundast om babord. Var nok litt seint ute med førebuinga til nedtak. I god medstarum gjekk det unna med 8 knop. Sleit med å få opp genoaen pga at vinden fekk tak og det vart press i seglet. Så tok krampen meg i fingrane og det meste skar seg. I alt kaoset passerte eg merket på feil side og måtte ta eit par rundar før eg kunna fortetja sørover.
Så langt alt vel. X-faktor med kvit spinnaker med gul firkant i.

Kaos med tau og spinnakerbom.

Tapte nok eit kvarter på dette tullet. På kryssen sørover var det vanskeleg å få fart i båten. Vinden vart oppe i 7 - 8 m/s og det hadde nok gått betre med 3'ar. Kraftig motstraum. Kom meg rundt toppmerket. Deretter var det nordover rundt Marsteinen og sløreseglas innover Korsfjorden heilt til målpassering. Var ikkje fornøyd med mannskapet i dag!! Her trengs meir trening både fysisk og segltrening. Det vart 5.plass i klassen der det var med 22 båtar.

61 båtar påmeldt til Bergen Singlehanded

2011-09-07T22:10:00.003+02:00

Heile 61 båtar er no påmeldt til Bergen singlehanded laurdag 10.september. Følg med på heimesida.
Tracking
Vil du følge regatten "live" på nettet ?
Deltagerne vil ha en trackingboks ombord som gir deg informasjon om hvor den er til enhver tid og hvordan den ligger an i regatten i forhold til sine konkurrenter.
Lim denne adressen inn i din nettleser:
www.tractrac.com/index.php?page=clubpage&id=4

Trening til Bergen Singlehanded

2011-09-04T18:56:00.003+02:00

Magne hos Seilmaker Iversen har laga spinnakerpose til å ha i nedgangsluka. Har vore på Mangersfjorden og trent i dag. Hadde spinnakeren oppe 4 ganger. Posen fungerer fint. Det var roleg vind på Mangersfjorden i ettermiddag, 4 m/s minkande til 2-3 m/s.
Det er no påmeldt 51 båtar til Bergen singlehanded laurdag 10.sept. Dette vert spennande.

3.plass i Askøy rundt 2011

2011-08-21T22:02:00.005+02:00

Her er eit bilete som står på bt.no i dag. Bildet er tatt rett etter start søndag. Me er midt i bilete.
Det vart 3.plass begge dagar i klassen vår på årets Askøy rundt. Lørdag var Nikita på 1. og Sval, ein Dehler 34 med 1,16 i lys-tal på 2. Søndag vann Sval framfor Nikita med oss på 3.plass, og dermed også totalt på 3.plass. Søndag starta med roleg vind frå S/SØ. Me stod på ein hals ned til første merke. Deretter vart det spinnaker til Jona. På dette legget gjorde me det godt. Deretter dreia vinden etterkvar og det vart kryssing innover Hjeltefjorden. Vinden auka på og me måtte byta frå genoa 1 til genoa 3. Seglbytet tok litt for lang tid og her tapte med nok litt i dag. Etter seglbytet segla me med god fart og god høgde. På slutten var vinden oppe i stiv kuling og me var nesten oppe i 10 knop før målpassering. Mykje regn, så det vil ta nokre dagar å få tørka alle segl!!

Askøy rundt 2011

2011-08-16T20:12:00.002+02:00

X-faktor er klar for Askøy rundt 2011. Mannskap vert same gjengen som segla Shetland Race i år: Magne, Torkjell, Eivind og Harald.
Påmeldingsfristen går ut i dag 16.august, og det er berre påmeldt 52 båtar. Ikkje bra. Er det lisensen som er bremsekloss??? Værmeldinga seier fint vær men lite vind laurdag. Søndag vert det regn og frisk bris frå sør.
17.08.2011. No er påmeldte båtar oppe i 66. Kjem seg. Vår klasse, lys 1,16 - 1,24, er den største med 18 båtar.

Mangersfjorden rundt 7.aug.2011

2011-08-08T18:44:00.003+02:00

Foto: Edvin Lie.
6 båtar stillte til start i NHS-regattaen Mangersfjorden rundt søndag 7.august. Starten måtte utsetjast ein halv time p.g.a. vindstlla. Starten gjekk i 1 m/s frå SØ. Under regattaen varierte vinden mellom 1 og 4 m/s stort sett frå SØ. Julianne var først ute i starten og runda også første merke så vidt framfor X-faktor som vart segla singlehanded denne dagen. På kryssen etter første merket drog X-faktor frå og vann regattaen med ein margin på 10 minutt på korrigert tid.
Du kan sjå fleire bilete på NHS si heimeside.

Tur til Værlandet i slutten av Juli 2011

2011-07-30T20:09:00.001+02:00

Fotograf Trond J. Hansen sine bilder frå Seilmakeren doublehanded 2011

2011-07-04T19:58:00.004+02:00

Fotograf Trond J. Hansen har no lagt ut bilder frå Seilmakeren doublehanded 2011 på www.baatbilder.no. Her er linken. Eg har fått nokre bilder i høg oppløysing som du kan sjå her:

2.plass i Shetland Race 2011

2011-06-29T20:36:00.012+02:00

Det vart 2.plass i klassen på Shetland Race 2011. Overall var me på ein respektabel 6.plass. Resultatlista kan du sjå her. Der kan du også kjøra replay på trackinga av etappen frå Lerwick til Bergen.
Her er bilder frå regattaen der eg også har lagt inn tekst på ein del av bileta. Takk til Kjell Hansen og Rune Refsnes for nokre flotte bilder av X-faktor. Helge Stokstad har også sendt eit bilde frå ein bekjent av han på Shetland. Klikk på bildet under for å sjå fotoalbumet.

Shetland Race 2011

Klar til returen

2011-06-26T11:39:00.000+02:00

Fish and chips

2011-06-25T16:06:00.000+02:00

Lunch i båten. Fint vær i Lerwick i dag. I kveld er det fellesmiddag for alle 5 NHS båtane.

5.plass overall på 1.etappe

2011-06-24T18:00:00.000+02:00

Framme på Shetland

2011-06-24T13:43:00.000+02:00

Me var i mål kl 01.06 i natt etter 32 timar segling. Turen gjekk fint. Heilt uoffisielt har me 3.plass i klassen med ein X-362 sport på 1.og Ollie royal på 2.

På veg vestover

2011-06-22T18:06:00.001+02:00

Starten gjekk kl 17. Ingen tracking. Det går i 4 - 5 knop. Me ventar på nordavinden.

Klar for Shetland race

2011-06-21T17:05:00.000+02:00

Shetland Race 2011

2011-06-18T10:03:00.003+02:00

Det nærmar seg Fjordsailing Shetland Race 2011. Starten går onsdag 22.juni 2011 kl. 13.00 ved Marstein Fyr i Austevoll. Mannskap i år er Eivind Tysse, Magne Iversen, Torkjell Tolo og skippar Harald Matland. I alt er det påmeldt 48 båtar. Alle båtane vert tracka, så du kan følgja oss på nettet. Gå inn på linken ovanfor til Fjordsailing Shetland Race. Elles vil eg leggja ut litt bilder undervegs via mobilen. Følg med!

Seier i Seilmakeren doublehanded 2011

2011-05-29T12:03:00.012+02:00

Det vart seier i LYS-klasse 1,19 - 1,24 i Seilmakeren doublehanded 2011.
Mannskap var Torkjell Tolo og skipparen. Torkjell var også med i fjor på SD, og då fekk me 2.plass i klassen. 60 båtar var påmeldt i år, 57 båtar starta. 24 i vår klasse.
Starten gjekk kl. 18.00 torsdag 26.mai ved Ramsøy på Askøy. Det var ein fin NV bris, men litt regn, og me kryssa oss nordover Hjeltefjorden. Ved Fedje låg me godt framme i feltet. No vart det fleire alternative vegar å ta vidare. Me gjekk Straumsfjorden og det var eit godt val. Her var medstraum og me fekk gode krysslegg norover. Vidare segla me nordom Gåsvær og sette kursen mot Alden. No hadde det vorte lyst igjen. Det var god vind heile natta. NØ for Alden vart det lite vind, men me greidde å halda litt fart i båten og tapte ikkje så mykje tid. Når vinden no kom igjen auka den fort i stryrke, og me skifta frå Genoa 1 til Genoa 3. Planen var no å segla aust for Askrova, men me fant ut at der var det fare for lite vind. Me kryssa oss derfor opp vest for Askrova i frisk bris. Over Rekstafjorden kunne me ha stikk i skjøtet. Me var framme i Florø kl. 10.36.48 som andre båt. No var det 4 timars pitstop og tid for varm mat og litt søvn. I Florø var me nr. 2 i klassen etter båten Silje, ein 40 fots Sun Odysse frå Stord. Kl. 14.36.48 starta me igjen på vegen sørover. No hadde den varsla NV kulingen kome. Etter å ha segla over Rekstafjorden, sette me spinnaker og segla over Stavfjorden i opp i 16 m/s. Farten var på det meste oppe i 13 knop. Me segla kortaste veg, aust for Alden, aust for Inste Geita, gjennom Skomakaren og over Lågøyfjorden og gjennom Ytre Steinsund. Me hadde no kun ein båt framfor oss. Storm som hadde gått Straumsfjorden hadde tapt på det. Seglasen gjekk vidare innom Sogneoksen, gjennom Brosmeosen, over Fensfjorden og så sørover Hjeltefjorden. Det minka med vinden sørover Hjeltefjorden, og den dreia over på vest. Tvers for Jona måtte me derfor ta ned spinnakeren og heisa genoa igjen. Målgang var i Hauglandsosen, så siste stykket mot mål vart det igjen spinnakerseglas. Det var no svært lie vind. Me gjekk over mål kl. 00.58 natt til lørdag. Var litt spent på Silje si tid. Silje har lågare lys-tal enn X-faktor, men me tok 1.plassen med god margin. Dette hadde vore ein fantastisk tur. Etter varm suppe på Askøy seilsportsenter fekk me oss ei god natts søvn. Laurdag var det premieutdeling, intervju med Seilmagasinet og mykje styr.
Stor takk til Torkejll for kjempeinnsats.
Reportasje i Seilmagasinet.
Her er ein videosnutt som Seilmagasinet filma rett før pit stop i Florø.

Her er bilder frå turen:

For dei spesielt interesserte. Her er sporloggen.

Spor SD 2011

Seilmakeren doublehanded 2011

2011-05-23T22:28:00.005+02:00

Det nærmar seg start for Seilmakeren doublehanded. Starten går torsdag 26.mai kl. 18.00 ved Ramsøy på Askøy. Deretter fritt løp til Florø der det vert 4 timars pitstop. Deretter retur til Askøy. På turen sørover må me austom Mefjordboen i Hjeltefjorden, elles er det fritt løp. Satsar på å vera tilbake til Askøy laurdags føremiddag.
Følg med på denne sida. 60 båtar er påmeldt, og alle vil verta tracka slik at du kan følgja regattaen frå godstolen.

2. plass i Jomfruturen

2011-05-15T19:23:00.002+02:00

Det vart 2. plass i Jomfruturen 15.mai. 5 båtar stillte opp i første klubbregattaen til Nordhordland seilforening. Fint vær med 5-8 m/s frå NV og sol. Sjølv om me var først i mål slo Expressen Julianne oss på korrigert tid med 2 minutt.

Jomfruturen 15.mai

2011-05-13T22:08:00.004+02:00

Søndag 15.mai er det tid for årets første klubbregatta i Nordhordland seilforening.
X-faktor har nettopp fått nytt bunnstoff og er klar. Mannskap vert Torkjell og eg. Me tar dette som trening til Seilmakeren doublehanded som startar 26.mai. Det er meldt fint vær og fin seglevind på søndag.

Klar til sjøsetjing

2011-05-08T15:33:00.000+02:00

Vårpuss

2011-05-05T21:59:00.002+02:00

X-faktor er på land for vårpuss. Her er polering og voksing gjort. Kun bunnsmøring med 2 strøk VC17 gjenstår. Sjøsetjing mandag 9.mai.

Seglas over til Øygarden

2011-04-30T16:05:00.002+02:00

før opptak på Manger i morgon. Flott vær og 5-6 m/s vind frå NV.

Fedje

2011-04-21T15:50:00.003+02:00

Segla ut til Fedje Skjærtordag. Lett skodde. På Fredag var det skyfri himmel, men lite vind då me segla tilbake til Manger. 7 seglbåtar ved Holmen natt til fredag!!

2.plass i klassen på Isbjørnen

2011-03-19T21:31:00.010+01:00

Isbjørnen 2011

Klikk på bildet for å sjå alle bileta.
Fleire bilder på BS si side finn du her.
Det vart 2. plass i klassen. Sasha, ein Banner 28, slo oss på korrigert tid.
Det var ein kjempefin dag på sjøen. Regattaen starta kl. 12 og me var i mål 15.03. Vinder varierte mellom 3 og 6 m/s. Løpet gjekk frå startområdet i Raunefjorden sørover Lerøyosen, rundt Kyrholmen i Austevoll, rundt Blia og tilbake til Raunefjorden. Overall vart me nr. 6. Etter å ha sett av mannskapet Aage, Morten, Torkjell og Eivind hos Bergens seilforening segla eg tilbake til Manger. Var heime kl. 20.10.

Isbjørnen 19.mars 2011

2011-03-04T19:40:00.002+01:00

X-faktor er påmeldt til Bergens seilforening sin regatta Isbjørnen som vert segla 19.mars på Raunefjorden og Korsfjorden. Sjå meir på Bergens seilforening si side her.
Isbjørnen er siste regatta i Vintercupen til Hordaland seilkrets, og med ei god plassering har X-faktor ein mulighet for å koma mellom dei 3 beste i Vintercupen i lysklasse 1,16 - 1,24.
Mannskap vert Eivind Tysse, Torkjell Tolo, Aage Hedegaard-Larsen, Morten Ådland og Harald Matland.

X-faktor på nettsidene til Elvstrøm Sails og Seilmaker Iversen

2011-02-23T15:08:00.005+01:00

Sjekk linken her og her

Overallseier i Snøføyka 2011

2011-02-13T08:23:00.008+01:00

(Eit par nye bilder er lagt til i fotoalbumet)

Var oppe tidleg og kom meg avgårde mot Anglevik kl. 06.45. Me vart lite mannskap i dag, kun 3 mann. Når eg var framme i Anglevik kl. 09.45 stod Aage og to Norsteamseglarar på kaien og spurde om dei kunne vera mannskap. Veldig synd med Norsteam-båten som brann opp, men det passte fint å få meir mannskap. Aage har vore mannskap fleire gonger tidlegare og er kjent ombord. Me var tidleg utpå og heiste segl. Litt trening skadar ikkje. Me var i andre start og kom bra avgårde. Det var kryss opp til 1.merke som låg i kort avstand til startlinja. Gleden runda rett framfor oss og Hanna Marie rett bak. Me fekk opp spinnakeren i det me runda merket og sette kursen mot NV. Me gjekk sør for Royøyande og held oss midt i fjorden utover. Fekk etter kvart litt avstand til Gleden, men Hanna Marie med 1,17 i lystal held godt følgje. Etter runding av Kalsøyflua var det kryss sørover i 2-3 m/s vind. Båten gjekk godt med den nye Genoa 1'en. Me held oss der me meinte det var mest vind, og dette gjekk bra. Når me nærma oss mål hadde me 4 båtar frå høgaste lysklasse framfor oss. Dei starta 5 min. før oss. Gleden såg me ikkje igjen. Hanna Marie var ikkje så veldig langt bak. Vinden stilna veldig på slutten, og dette var nok ein fordel for oss. Det var suveren overallseier 5 min. før nr. 2 som var Hanna Marie. Nr. 3 overall var vinnar i minste lysklasse Whiplash, 13 min. etter oss.
Etter målgang var det varm suppe og premieutdeling. Ein kjekk dag på sjøen!

Etter premieutdelinga la Eivind opp kablar og kobla til det nye Ebersprecher D4 varmeapparatet. Me var ferdige kl. 20.30. Det vart varmt og godt i båten. Etter ei god natts søvn kasta eg loss kl. 8.00 og settet kursen heimover. Var førtøydd på Manger kl. 11.00. Hadde litt problemer å koma inn i båsen p.g.a. is, men det gjekk bra.

Sjå resultat og meir bilder og linkar på RAN seilforening si side her.

Snøføyka 2011

2011-02-11T19:10:00.004+01:00

Torkjell kunne ikkje vera mannskap på Snøføyka, så det vert lite mannskap. Det er meldt 4-5 m/s frå SØ og rundt 0 grader. Delvis skya opphaldsvær. Dette vert fint.
På bildet frå fredags ettermiddag har storseglet kome på og X-faktor er klar.

Snøføyka 12.februar

2011-02-08T21:13:00.003+01:00

X-faktor er påmeldt til Snøføyka laurdag 12.febriar 2011. Det er RAN seilforening som er arrangør, og regattaen har start og mål i Anglevik på Sotra. Elles går løpet i Hauglandsosen. Regattaen inngår i Vintercupen til Hordaland seilkrets. Mannskap vert, utanom skipparen, Morten Ådland, Eivind Tysse og forhåpentlegvis Torkjell Tolo.
Er det andre som har lyst å vera mannskap??? Ring meg på 90121617. På bildet ser du X-faktor under Snøføyka i 2010.

5.plass i Neglespretten 2011

2011-01-09T18:17:00.007+01:00

Det vart 5.plass i klassen i Neglespretten som i år levde opp til namnet. Det snøa til tider tett. Me hadde ein elendig start uten at eg trur det var årsaka til at me ikkje nådde lenger opp. Det var vanskelege og varierande forhold på Byfjorden, og det vart mykje sløring. Vinden varierte mellom 0 og 9 m/s, og me hadde til tider vunne på å brukt genoa 3 i staden for genoa 1. Mot slutten segla me bra, og 200 meter før mål var me første båt i klassen. Dei siste 100 meterane fekk båtane som låg nærast Nordnes meir vind enn oss, og me vart 5. båt i mål.
Eg har ikkje bilder. Er det nokon som tok bilde av X-faktor??
Her er ein liten videosnutt som låg på BA. Båtane nærmar seg runding av første merke. X-faktor midt i bildet med raud, kvit og blå spinnaker.
Sjå resultatlista her. Sjå bilder som er lagt ut på Hordaland seilkrets sine sider her.

På veg

2011-01-07T13:35:00.003+01:00

Her nærmar eg meg Bognestraumen. Var framme i Vågen kl. 17.30.

Klargjering for Neglespretten

2011-01-07T08:55:00.001+01:00

Kl. er 08.55 fredag morgon. Presenningen skal av, og båten gjerast klar for Neglespretten i morgon laurdag. Mannskap vert Eivind Tysse, Magne Iversen, Bjørn Rundhovde og eg.

På med presenning

2010-12-03T17:40:00.002+01:00

Tok på presenning frå masta og akterover i dag. Det er meldt litt regn og snø framover. Kan ikkje pakka båten for mykje inn, det er kun 1 månad til Neglespretten.

Eksosgjennomføring for varmeapparatet

2010-11-21T18:51:00.001+01:00

Har montert ny gjennomføring for eksosen frå varmeapparatet. Denne er tilpassa negativ hekk, det var ikkje den forrige. Ved montering såg eg at eksosslangen også måtte skiftast. Denne er no på plass. Greit å få slikt gjort i løpet av vinteren.

Ny Genoa 1

2010-11-06T13:16:00.003+01:00

Ny Genoa 1 frå Elvstrøm. Seglet er eit EPEX, M/H segl, dvs. medium shape og heavy aramid fibrar. Hadde seglet oppe i dag for å merka av kvar forsterkningane skal plasserast. Dette vert spennande å prøva.

Sesongen er slutt

2010-10-31T15:17:00.004+01:00

Det ser ikkje ut som om det vert meir segling på ei stund, så i dag har eg tatt av segla og fått dei i hus. Det er vel berre å finna fram presenningen.

Magne hos Seilmaker Iversen har sydd trekk til å ha over ratt og pidestall. Det såg fint ut.

Eg vurderer å vera med på Nisseseilasen 4.desember, men vil sjå an kva vær det vert.

Høststormseilasen 2010

2010-09-28T20:33:00.000+02:00

Høststormseilasen 2010 fekk ein tøff 1.etappe. Vind opp i 18 m/s frå nordvest, og 2 - 3 meter høge bølgjer laurdag. Vi segla med stormfokk og 2 rev i storseglet. Dette fungerte fint, men vi fekk ikkje god nok høgde. Innover Fensfjorden var vi oppe i 13,3 knop i ein surf. Regattaen vart avkorta ned Vikingneset. Dette fekk ikkje vi med oss og kryssa oppover Mjømnasundet. Vi enda på 4.plass i klassen laurdag. Flott i Skjerjehamn. God mat og fin stemning. Søndag hadde vinden roa seg. Det vart kryss sørover Mjømnasunder og utover Fensfjorden. Frå Fedje og sørover vart det spinnakerseglas. Vi var i mål kl. 17.00 og tok 1.plass i klassen. Samanlagt vart det 3.plass i klassen.
Bildet er tatt av Jan-Vidar Nordstrand i FS2 rett etter start søndag. X-faktor med kevlar-storsegl rett til høgre for X-99'en X-track.

Bilder frå Bergen singlehanded

2010-09-16T19:07:00.002+02:00

Nina Rosenlund tok bilder frå Kleppholmen då me var på veg innover Korsfjorden.

Bergen singlehanded

2010-09-14T20:15:00.003+02:00

Det vart 4.plass i klassen. Flotte forhold. Vindstyrke mellom 3 og 7 m/s. Først frå SV seinare dreiande V og NV. Spennande med soloseglas. Brukte genoa 3. Det vart litt for lite i store delar av løypa. Spinnakerseglinga gjekk stor sett greit. Fekk bh andre gangen eg sette den. Båt og utstyr fungerte perfekt. Mannskapet gjorde ein del dårlege val undervegs som gjorde at me ikkje nådde heilt opp mellom dei beste i klassen. Dette freistar til gjentaking. Midt på bildet ser du X-faktor (litt langt borte). Klikk på bildet for å få det større. Fotograf Jan-Vidar Nordstrand.

Bergen singlehanded søndag 12.september

2010-09-08T20:06:00.007+02:00

På søndag er X-faktor klar for Bergen singlehanded. Heile 38 båtar har meldt seg på regattaen som er ny av året. Sjå artikkel på Seilmagasinet. Bergens seilforening, som er arrangør, har laga 6 løpsalternativ, men muligheten for løpet "Vest i havet" er truleg stor. Dette løpet er 30 nm langt. Værmeldingane er enno litt usikre, men tyder på sørvestleg lett til laber bris og litt regn ved Marstein. Båtane (forhåpentlegvis alle) vil ha trackar ombord slik at dei kan følgjast frå PC'en heime. Føl med på Bergens seilforening si heimeside. Dette vert spennande. Bildet til venstre er tatt av Edvin Lie ein laurdag i juli i år då skipparen var ute og segla singlehanded. Eg fann bildet på Origo.

Bilder frå Askøy Rundt 2010

2010-08-26T18:11:00.003+02:00

Bilder som vart tatt frå startbåten. Frå 2.10 ser me X-faktor NOR 9341 som rundar bøyen på Storegrunnen og set kursen mot Jona. Tett felt!!

Askøy rundt 2010

2010-08-22T20:43:00.000+02:00

Me segla Askøy rundt 21. og 22.august. Lørdag var det meldt sørvest vind frå 8 m/s på Byfjorden til 13 m/s på Herdla.
Dette slo til. Vinden var i periodar endå sterkare på Byfjorden og utanfor Herdla var vindmålaren oppe i 15 m/s. Me hadde ein dårleg start og fekk det ikkje heilt til på krysslegget inn til Nordnes. Spinnakerseglinga frå Nordnes til Askeneset gjekk bra, me låg i ca 9 knop. Fekk ein skikkeleg broach rett før Askeneset. Frå Askeneset og nordover Herdlefjorden var det genoaslør. Me fekk det ikkje heilt til denne dagen, og hadde i periodar litt for mykje segl oppe. Gjennom Det Naue var det ein del som segla spinnaker, men me valde å ikkje heisa den. Me tok eit rev i storseglet før bøyerundinga nord for Herdla. Ut mot Mefjordboen var me oppe i 10,5 knop. Etter runding der var det skarp kryss mot mål ved Herdla. No var vinden på det sterkaste og det var ein del sjø. Me var ikkje fornøyde og havna på 7. plass i klassen denne dagen.
På søndag var det meldt mindre vind, 11 m/s og litt meir vestleg. Me hadde god start og fekk det betre til. På kryssen opp mot Jona hadde me god fart og god høgde. Vidare innover fjorden var det varierande vind, men det gjekk unna. Mellom Ramsøy og Rotøyane var me raskt ute med å setja spinnaker og segla med den til mål. Søndag var me nr. 3 i klassen og faktisk nr. 5 av alle 86 båtar. Dette var bra. Førebels resultatliste har oss på 4.plass i klassen som talde 20 båtar. Takk til Eivind, Torkjell og Magne som var mannskap denne helga.

Endeleg ferie!

2010-07-24T20:05:00.001+02:00

Sola skin og vinden er aktenfor tvers.

Nye instrument

2010-07-14T17:26:00.000+02:00

Loggen og dybdemålaren "drukna" på Shetlandsturen. Fjordsailing på Litlebergen har no montert ny logg og ny vindmålar. Begge av typen Raymarine ST60.

Bergen Shetland Race 2010

2010-06-26T22:55:00.003+02:00

Klikk på bildet til høgre for å sjå fotoalbum. Fleire bilder lagt til 6/7. Har fått nokre bilder hos Thorvald Haarberg som han tok frå Gleden rett etter start frå Lerwick.

2.plass i klassen på Shetland Race 2010

2010-06-26T18:13:00.003+02:00

Det vart 2. plass på etappen Lerwick - Bergen, slått av Gleden med 19 minuttar. Dermed vart det 2.plass totalt i klassen på Bergen Shetland Race 2010. Etter ein roleg start med vestlege vindar vart siste del av etappen til Shetland slitsom med kuling rett imot. Etter å ha lagt svært godt an, tapte me litt på slutten på grunn av skade i akterliket på storseglet. Me segla utan storsegl siste 6 timane. Me var i mål kl. 03.31 natt til fredag. Turen heimatt vart 42 timars spinnakerseglas i lite vind. Me hadde visuell kontakt med FS2, Ventus, Hanna Marie, Cermedez, Paradis, Bjørkski og Volare på store delar av etappen. Me var i mål ved Marstein Fyr kl. 06.01 tirsdags morgon. Bildet er tatt i Lerwick etter premieutdelinga der. Frå venstre: Kjetil, Harald, Trond og Torkjell. Magne var fotograf. Fotoalbum vil snart verta lagt ut på bloggen.

X-faktor tilbake på Hjellestad.

2010-06-21T08:34:00.000+02:00

2.plass i klassen på returen som vart spinnakerseglas i 42 timar i lite vind.

Vindstille. Dette er ein tålmodighetsprøve

2010-06-21T06:28:00.000+02:00

Det nærmar seg midnatt

2010-06-21T06:26:00.000+02:00

Mandags kveld. Me har nettopp passert 4 grader aust.

Har segla i snart 2 t. Me ligg godt framme i feltet.

2010-06-19T13:48:00.000+02:00

Klar til avgang

2010-06-19T11:02:00.000+02:00

Brødrene Hansen er nøgde

2010-06-18T22:26:00.000+02:00

Middag på Hay's dock for 3 NHS båtar.

2010-06-18T21:15:00.000+02:00

God mat!

Seglreparasjon

2010-06-18T14:36:00.000+02:00

Magne rep storseglet på boatingcluben

Frokost på New Harbour Cafe

2010-06-18T10:28:00.000+02:00

Fish and chips

2010-06-17T17:10:00.000+02:00

høyrer med når me er på Shetland

Framme på Shetland

2010-06-17T11:10:00.001+02:00

Siste del av turen til Shetland vart våt og tøff. Under reving av storseglet vart akterliket skada og me måtte ta ned seglet. I mål kl 3.31 natt til fredag. Etter å ha leda overall, fall vi litt nedover på lista, men vart likevel nr 3 i klassen.

På veg mot Shetland

2010-06-16T14:46:00.001+02:00

No har me segla i snart 2 t. Fart rundt 6 kn. Me ligg fint til i feltet

På veg ut til Marstein fyr

2010-06-16T11:08:00.001+02:00

Sjøassistanse Bergen-Shetland Race 2010

2010-06-13T16:19:00.005+02:00

Onsdag 16.juni 2010 kl. 13.00 går starten på Shetland Race frå Marstein fyr. I alt 37 båtar er påmeldt. Me er i LYS-klasse 1,21 - 1,29 der det er med 12 båtar. Båtane vert spora så du kan følgja med på Pc'en på denne sida Shetland Race
Eg vil prøva å leggja ut litt bilder frå mobilen på turen.
Mannskap er Torkjell Tolo, Magne Iversen, Trond Matre, Kjetil Risnes og Harald Matland. Turen tilbake frå Lerwick startar søndag 20.juni.

RAN sin sumarregatta 5.juni 2010

2010-06-06T09:43:00.002+02:00

X-faktor deltok 5.juni på RAN seilforening sin sumarregatta. Det deltok 21 båtar i Lys-klassane og 8 båtar i Expressklassen. Expressane segla pølsebane, og Lys-klassane segla trekantbane. Det vart gjennomført 2 seglasar for alle klassane. X-faktor tok 4.plass i begge seglasane, og det vart då 4.plass i klassen der det var med 10 båtar. Mannskap denne dagen var Kjetil Risnes, Gøran Espeland, Arild Monslaup og Harald Matland. Sjølv om dette var nytt mannskap for dagen segla vi bra. Hadde mellom anna nokre flotte rundingar av toppmerket der spinnakeren var raskt oppe. I første seglasen var vi stort sett først i feltet og var første båt i mål. I andre seglasen var vi også fremst i feltet vart forbisegla av Rolf Hermansen sin Hanna Marie på siste krysslegget. For resultatliste og bilder sjå RAN seilforening si heimeside.

NHS Vårregatta 2010

2010-06-01T19:12:00.002+02:00

Morten Ådland, skippar på Cermedez, tok eit flott bilde av X-faktor under NHS sin Vårregatta 30.mai 2010. Mannskap denne dagen var Magne Iversen, Aage Hedegard-Larsen og skipparen.

2.plass i klassen i Seilmakeren doublehanded

2010-05-22T10:11:00.008+02:00

Det vart 2. plass i klassen og 12.plass overall i Seilmakeren doublehanded 2010. 1.plassen i vår klasse gjekk til X-99'en NN frå Stavanger. 3. plass gjekk til Gleden frå Askøy. Du kan kjøra replay på trackinga av regattaen her (bruk Speed 500). Trackingboksen vår virka ikkje før vi kom til utsida av Bømlo på veg sørover. Seilmakeren doublehanded handlar ein del om vegval. I ettertid kan det sjå ut som om vi skulle segla Kobbeleia i staden for Vatlestraumen sørover. Vi skulle tatt Karmsundet nordover og gått ut ved Espevær. Av trackinga ser eg at vi segla godt nordover med fine linjer og god høyde. Takk til Torkjell Tolo som gjorde ein kjempeinnsats som mannskap. Klikk på bildet under så kan du sjå fotoalbum frå regattaen ( oppdatert 25.mai med nokre bilder som eg har fått frå fotograf Trond J. Hansen):

Seilmakeren doublehanded 2010

2010-05-17T22:38:00.003+02:00

I morgon tirsdag 18.mai går turen til Askøy seilsportsenter. Onsdag 19.mai kl. 13.00 går starten på Seilmakeren doublehanded. I år er det påmeldt 73 båtar. 26 av desse er i vår klasse: Lys 1,17 - 1,24. Det vert spennande i år med ny båt og ny makker. Torkjell Tolo er mannskap i år. Torkjell og eg har segla ein god del saman. Vi har m.a. segla Shetland Race 3 gonger saman, og Torkjell var også med å henta X-faktor i Kristiansand hausten 2009. Vi får trackingsystem ombord, så føl med på www.seilmagasinet.no der du vil finna link til trackinga.

Sjøsetjing

2010-05-02T16:04:00.004+02:00

X-faktor klar for sjøsetjing. 2 strøk med VC17 er påført, båten er polert og namnelogoen er på plass. Sjøsetjinga var torsdag 6.mai 2010.

Tur til Fedje

2010-04-18T17:10:00.000+02:00

Laurdag 10.april tok eg meg ein tur til Fedje. Det var ein svak nordleg vind. Heimturen vart spinnakerseglas heile vegen.

Klasseseier i Snøføyka

2010-02-14T10:01:00.011+01:00

Det vart klasseseier i Snøføyka 13/2. Flotte forhold på fjorden, solskin og opp i 4 m/s vind frå nord. Sjå biletserie her og resultatlista her. Her er bilete av X-faktor som går i mål og mannskapet som har fått seg suppe i det nye flotte klubbhuset til RAN seilforening.
Klikk på bileta for å sjå dei i større format.

Klar for Snøføyka

2010-02-12T17:05:00.004+01:00

Då er X-faktor klar for RAN seilforening sin først regatta i 2010: Snøføyka. Presenningen er tatt av, og storseglet er på plass. Det er meldt fint vær, men lite vind. Avgang mot Anglevik vert laurdag 13/2 kl. 07.00. Heilt nytt mannskap på denne regattaen: Morten Ådland, Morten Bjorøy, Sverre Faugstad, Frode Boasson og skipparen. Dette vert spennande!

Neglespretten

2010-01-11T19:38:00.011+01:00

Laurdag 9.januar deltok X-faktor i sin første regatta - Neglespretten. Og kaldt var det - ca -10grader. X-faktor var tidleg på fjorden for å trena litt før start som gjekk ved Våganeset kl. 12.00.
Her er eit par bilder som vart tatt før start + eit bilde idet vi nærmar oss første merke ved Strømsnes på Askøy.
Klikk på bileta for å sjå dei i større format.

Vinden varierte mellom 0 og 4 m/s frå søraust.
Vi kom litt dårleg ut i starten, men det gjekk betre etter kvart. Spesiellt frå Bakarvågen og til mål ved Helleneset gjekk det bra. Vi hadde 4. raskaste anvendte tid av alle båtane. Vart nr. 5 i vår klasse og vart premiert. Mannskap var Eivind Tysse, Torkjell Tolo, Magne Iversen, Bjørn Rundhovde og skippar Harald Matland.
Sjå resultat på http://seil.aasane.no/
Sjå også NRK innslag på http://www.nrk.no/nyheter/distrikt/hordaland/1.6938908 X-faktor kan skimtast på 01:03. Lengst til høgre i biletet.
Båten fungerte fint i det kalde været. Med godt varmeapparat og landstraum når vi låg i hamn var det ingen problem å bu ombord.

Godt nyttår!

2010-01-01T17:39:00.007+01:00

Det er vinter og X-faktor er under presenning. Til helga (9.januar) er det Neglespretten og presenningen må av. Dette vert første regatta med ny båt. Værmeldinga tyder pr. i dag på austleg vind, klårvær og svært kaldt. Det er til no påmeldt 28 båtar. Sjå deltakarliste på http://www.seil.aasane.no/

VHF-antenne i mastetoppen på plass.

2009-11-29T19:13:00.003+01:00

X-faktor er påmeldt til Shetland Race 2010 og det er ein del utstyr som må på plass for å segla i sikkerhetskategori 2. Eivind tok turen i mastetoppen, drog kabel og monterte VHF-antenne. Samtidig dekk vi kobla til tricolorlanterna med led-pære i mastetoppen. Har også montert innvendig manuell lensepumpe. Nødpeilesendaren er omprogrammert til X-faktor og montert.

Ebersprächer varmeapparatet har også vore til service og fått ny glødeplugg og glødesil.

Det som står for tur no er koniske trepluggar ved skroggjennomføringane, gassalarm og få festa batteria.

"Ny" båt

2009-11-15T13:38:00.006+01:00

X-faktor er ein X-332 1998 modell. Båten er bygg nr. 167 av båttypen. Det er bygd i alt 430 X-332 i perioden 1994 til 2005 hos X-yachts i Danmark. Båten kjem frå Tønsberg og heitte tidlegare Fri Vind. Før det heitte båten Christine.

Båten vart henta i Kristiansand 27.sept. 2009. Turen til Manger tok 4 dagar så vi var framme 1.okt.2009. Mannskap på turen var Torkjell og skipparen.

Øverst ser vi den nye båten ved sida av Karisma som samtidig vart levert. Karisma har fått ny heimehamn i Drøbak og har skifta namn til Liseth. Vidare nokre bilder frå turen til Manger.